طريقة عمل سمك التونة

طريقة عمل سمك التونة

 

كيلو سمك الماكريل اللى معروف باسم سمك التونة بحوالى 12 جنية و هيعملك كمية تساوى حوالى 5 علب تونة


على مقدار نص كيلو سمك تونه او ماكريل
3/4 كوبايه ميه
1/2 كوب زيت
نص ملعقه ملح وربعها او اقل فلفل اسود
4 معالق خل و4 معالق عصير ليمون
نقطع السمكه بشوكها عادى ونحطها فى حله محكمه الغلق وعليها باقى المقادير ونعلى عليها اول ما تغلى نوطى خالص خالص كأننا بندمس فول ونحكم الغطا ونسيبها ساعتين او ساعتين الا تلت
نسيبها تبرد ونخليها ونحفظها فى علبه وعليها الزيت بتاعها اللى استوت فيه
وفى التلاجه

بجد لما تبرد هاتلاقيها فعلا زى الجاهزه
شكلا زى الصوره بس ممكن يبقى فى وص لونها اغمق على حسب السمكه

الطريقة التانية

المقادير
كيلو سمك ماكريل الحجم الكبير مش الوسط علشان يديكى كمية لحم و تاكدى انة سليم مش مهرى
بعد كدة اتركية يفك براحتة مش تحت الحنفية و اغسلية و افتحى البطن و نظفية تماااام و شيلى الراس منة

و بعد كدة هنقطعة جزل يعنى الواحدة تقطع 3 اجزاء ايه الجمال دهو بعدين نجيب مصفاة معدن اييييييييية معايا ولا نمتوا و بعدين هنرص القطع فيها و نديها رشة ملح و كمون فقط لا غير و نحطها على حلة فيها مية و نغطى المصفاة باحكام و نشغل النار تحت الحلة لمدة حوالى 10 دقايق
بعد غليان المية تمام كد و بعدين نرفعها من النار و نشيل الغطا لغاية لما تبرد خالص و نفصص قطع التونة من الشوك بالراحة علشان ما تتهريش مننا و نبدا نقسم التونى المفصصة فى اكياس صغيرة على حسب كمية الاكلة و بعدين نحفظها فى الفريزر و عند الاكل نطلع الكيس و نسيبة يفك براحتة و نضيف بقى شوية زيت ذرة و شوية ملح مش كتير و الكمون و يا سلام على الفلفل الرومى و البصل الاخضر المقطع معاها و كلى احلى تونة من صنع ايديكى و بالهنا و الشفا

طريقة عمل كفتة سمك التونة

المكونات و المقادير


علبتان من التونة بعد تصفيتها من زيتها


ربع كوب من البقدونس المفروم


ربع كوب من الكزبرة المفرومة


فلفل أسود و ملح و ثوم مطحون


زيت الذرة


بيضة


دقيق


بقسماط



طريقة التحضير


قومي بوضع كلا من التونة و الكزبرة و البصل و الثوم و البقدونس و الملح و الفلفل الاسود في الخلاط الكهربائي


اخلطي جميع المكونات المذكورة إلى أن يتجانس قوامها


بعد ذلك قومي بتقسيم الخليط إلى قطع متساوية في الحجم و شكليها لأشكال اسطوانية ذات أطوال مناسبة


غطي الخليط بعد ذلك بكل من البقسماط و البيض و الطحين


قليها الآن بزيت ساخن إلى أن تنضج و تتحمر


قدميها ساخنة و استمتعي بمذاقها